HeShe Channel
 

結婚日 - 有趣金句 #1



 

飲過新抱茶,富貴又榮華。
飲過新抱茶,生個孫仔四圍爬。

飲過新娘茶,靚過林青霞。
飲過新郎茶,型過劉德華。

飲過新人茶,唔怕檬查查(老人家用)。
飲過新人茶,發到笑KaKa。

飲茶笑呵呵,好快做婆婆。
飲茶笑騎騎,好快做爺爺。

飲茶到口,橫財就手。
飲茶到口,得心又應手。

戴囍戴囍,新娘好快有囍。
戴囍戴囍,戴過風生又水起。

飲茶飲到尾,年頭靚到落年尾。
飲深D,中三T。

金介戴上,三年抱兩。
金鍊戴上頸,好快住山頂。

一啖飲到尾,年頭賺年尾,買田又買地。
一啖飲到尾,青春又健美。

戴個大金牌,一世唔洗捱。
戴過金介子,好快生對金童子。

戴起大囍,戴到兒孫滿地。
戴起大囍,戴到金銀遍地。

茶到口,財到手,買車又買樓。
茶到口,甜到漏。

飲深D,賺多D。
香茶到口,添福又添壽。

大伯飲杯茶﹐身體健康無有怕。
大伯娘飲杯茶﹐打牌次次食三家。

大表姐夫飲杯茶﹐新車好多架。
大表姐飲杯茶﹐身材fit過林青霞。

二表姐夫飲杯茶﹐贏馬易過飲啖茶。
二表姐飲杯茶﹐暗瘡唔會發。

表哥飲杯茶﹐俊過劉德華。
表嫂飲杯茶﹐靚過呀嬌呀SA。

家姑食過糖蓮子,家嫂連生貴子。
今年娶新抱,出年有孫抱。